Бекот на Сан Антонио Спарс, Стефон Касл, е добитник на трофејот Вилт Чејмберлејн за сезоната 2024/2025. Овој трофеј му се доделува на најдобриот дебитант во НБА.
Касл стана четвртиот играч во историјата на Спарс кој ја добил оваа награда. Пред него трофејот го добија клупските легенди Дејвид Робинсон (1989/1990) и Тим Данкан (1997/1998), како и Виктор Вембанјама, кој беше награден минатата година.
Касл имаше просек од 14,7 поени, 3,7 скока, 4,1 асистенции и 0,91 украдени топки, а помина 26,7 минути на теренот.
Второто место во гласањето му припадна на Французинот Закари Ризаше од Атланта Хокс, додека Џејлен Велс од Мемфис Гризлис, заврши на третото место.
