Стеф и Сет станаа соиграчи во Голден Стејт Вориорс, откако франшизата од Сан Франциско одлучи да го ангажира „помалку популарниот“ Кари пред почетокот на сезоната, кој на тој начин доби можност да игра со својот брат.
Сет, кој во текот на кариерата бележи респектабилни 43,3% во шутот за три поени, ќе го потпише т.н. договор Exhibit 9, што му овозможува да го помине тренинг кампот со Голден Стејт Вориорс, а потоа ќе биде отпуштен и повторно ангажиран за еден месец.
Планот е да помине низ подготовки со Вориорс и да се избегнат понатамошни даноци, а потоа на почетокот на регуларната сезона повторно ќе биде на располагање на Голден Стејт.
Вориорс со овој потег добија дополнително решение на надворешните линии и докажан ветеран (34) кој може да направи разлика влегувајќи од клупата.
Станува збор за играч кој во текот на кариерата забележал 10 поени по натпревар во 550 настапи во НБА.
Минатата сезона го носеше дресот на Шарлот Хорнетс, каде што, влегувајќи од клупата, забележа одлични проценти за три поени (45,6%), а со оглед на натпреварувачкиот дух што го дели со својот брат, не би било изненадувачки ако ја надмине магичната бројка од 46,8% што ја имаше додека го носеше дресот на Бруклин Нетс пред четири сезони.
