Денвер Нагетс го победи Лос Анџелес Клиперс со 120:101 во седмиот натпревар од четвртфиналето на Западната конференција, со што се пласираше во полуфиналето на конференцијата.
Нагетс имаа водство од 11 поени по првото полувреме, 58:47, кое го зголемија во третиот период и влегоа во последните 12 минути со водство од +27, 93:66. Екипата на Дејвид Аделман рутински ја задржа предноста до крајот на натпреварот и победи.
Најдобар играч кај Денвер беше Арон Гордон со 22 поена, 5 асистенции и 4 скокови, додека Крисчн Браун додаде 21 со 5 скокови и 4 асистенции. Никола Јокиќ го заврши натпреварот со 16 поени, исто колку и Џамал Мареј и Расел Вестбрук, додека Мајкл Портер исто така имаше двоцифрен број на поени, 15, со 6 скокови.
Покрај 16-те поени, Јокиќ додаде 10 скокови и 8 асистенции, додека Мареј додаде 5 скокови и 2 асистенции во својот учинок, а Вестбрук додаде 5 скокови и 1 асистенција.
Од другата страна, Каваи Ленард се истакна со 22 поена, 5 скокови и 2 асистенции, додека Коби Браун додаде 13 со 3 асистенции. Богдан Богдановиќ и Дерик Џонс постигнаа по 12 поени, додека Ивица Зубац го заврши натпреварот со 10 поени и 14 скокови. Богдановиќ додаде 3, а Џонс 2 скока. Џејмс Харден тотално потфрли со само 7 поени (2/8 од поле).
Денвер сега ќе се соочи со Оклахома, која има предност на домашен терен, во полуфиналето на Западот, а првиот натпревар е закажан за ноќта меѓу понеделник и вторник од 3:30 часот утрото по македонско време.
