Дончиќ ги остави соиграчите на цедило: Провоцираше навивач, па беше исклучен

Лос Анџелес Лејкерс претрпе пораз на гостински терен од Оклахома Сити Тандер со резултат 136:120, а клучниот момент се случи на 7 и пол минути пред крајот на натпреварот кога Лука Дончиќ беше исклучен.

Дончиќ по одлична соло акција погоди над Ајзеа Хартенштајн за водство на Лејкерс од 108:107.

Својот 23-ти поен на мечот го прослави провоцирајќи навивач кој седеше покрај теренот, а не ни помислуваше дека тоа ќе биде последното нешто што ќе го направи на натпреварот.

Судијата веднаш реагираше и му досуди техничка грешка на Дончиќ, а со оглед на тоа дека на Словенецот тоа беше втора таква грешка на натпреварот, беше исклучен.

Судијата помисли дека Дончиќ му дофрлил нешто, а Словенецот веднаш почна да покажува кон навивачот покрај теренот. Сепак, судијата не ја промени одлуката и Дончиќ ги остави соиграчите на цедило.

Без него брзо заостанаа дури 15 поени, а на крајот се дојде и до конечни 16 разлика.

Оклахома до победата ја предводеше Шеј Гилџс-Александер со 42 поена, 6 скокови и 6 асистенции, додека на другата страна најдобар беше Леброн Џејмс со 28 поени и 7 скокови.

Кливленд Кавалирс со победата над Чикаго Булс од 135:113 го обезбеди првото место на Истокот пред плејофот. Дариус Гарланд беше анјефикасен со 28 поени, Еван Мобли имаше дабл-дабл со 21 поен, 12 скокови и 7 асистенции, а Тај Џером и Де'Андре Хантер уфрлија по 18 односно 17 поени.

Резултати:

Шарлот Хорнетс - Мемфис Гризлис 100:124
Кливленд Кавалирс - Чикаго Булс 135:113
Индијана Пејсерс - Вашингтон Визардс 104:98
Орландо Меџик - Атланта Хокс 119:112
Бруклин Нетс - Њу Орлеанс Пеликанс 119:114
Њујорк Никс - Бостон Селтикс 117:119
Милвоки Бакс - Минесота Тимбервулвс 110:103
Оклахома Сити тандер - Лос Анџелес Лејкерс 136:120
Феникс санс - Голден Стејт Вориорс 95:133
Лос Анџелес Клиперс - Сан Антонио Спарс 122:117

Табела: