Дончиќ ќе ја предводи Словенија на Евробаскетот

Селекторот на кошаркарската репрезентација на Словенија, Александар Секулиќ, денеска го објави поширокиот список од 19 играчи за претстојното Европско првенство што ќе се одржи од 27 август до 14 септември.

Селекцијата ја предводи ѕвездата на Лос Анџелес Лејкерс, Лука Дончиќ, а покрај него се: Миха Черквеник, Влатко Чанчар, Жига Данеу, Зоран Драгиќ, Вит Храбар, Грегор Хроват, Роберт Јурковиќ, Мартин Крампељ, Урбан Крофлич, Едо Муриќ, Џош Нибо, Алексеј Николиќ, Марк Паџен, Клемен Препелич, Рок Радовиќ, Жак Шмрекар, Леон Штергар и Лука Шчука.

Словенечката кошаркарска репрезентација ќе одигра 6 пријателски натпревари пред почетокот на Евробаскетот, а подготовките ќе започнат на 23 јули во Рогла.

Словенија ќе игра во групата Д на Европското првенство во Катовице со селекциите на Полска, Франција, Исланд, Израел и Белгија.