Евролигата наредната сезона со 20 екипи

Во пресрет на завршниот турнир во Евролигата, новинарот на Sportando, Алесандро Маџи, објави дека следната сезона во елитното натпреваруање ќе учествуваат 20 екипи.

Клучениот состанок на челниците на Евролигата се одржа во Абу Даби пред почетокот на фајнлфорот во кој учествуваат Панатинаикос, Фенербахче, Олимпијакос и Монако, а неговите заклучоци најавуваат значајни промени за следната сезона на најсилното клупско кошаркарско натпреварување во Европа.

Најголемата вест е дека сезоната 2025/2026 ќе има дури 38 кола, во тој распоред се планирани 10 двојни рунди.

Уште поважна одлука се однесува на календарот на меѓународните натпреварувања, играчите од Евролигата нема да можат да настапуваат за националните тимови во квалификациите за Светското првенство во текот на сезоната.

Кога станува збор за учесници, Евролигата ќе има три нови клубови почнувајќи од следната сезона:

• Дубаи (првиот тим од Обединетите Арапски Емирати),
• Хапоел Тел Авив (освојувач на Еврокупот),
• Валенсија, која се враќа по паузата.

Од друга страна, Алба од Берлин се повлече од Евролигата и одлучи да игра во Лигата на шампионите на ФИБА.

Евролигата во сезоната 2025/2026 ќе биде составени од следниве тимови:

Ефес, Монако, Басконија, Црвена звезда, Дубаи, Барселона, Баерн, Фенербахче, Хапоел Тел Авив, Асвел, Макаби Тел Авив, Олимпија Милано, Олимпијакос, Панатинаикос, Париз, Партизан, Реал Мадрид, Валенсија, Виртус и Жалгирис.