Гилџс-Александер сруши рекорд на Вилт Чемберлејн стар 63 години

МВП на НБА шампионот Оклахома Сити Тандер, Шеј Гилџс-Александер, сруши рекорд на Вилт Чемберлејн поставен пред 63 години на натпревар против Бостон Селтикс.

Шеј Гилџс-Александер постигна 35 поени во победата од 104:102 над Бостон и направи нешто што се сметаше за речиси невозможно со децении: го сруши 63-годишниот рекорд на легендарниот Вилт Чемберлејн за последователни натпревари со 20 или повеќе поени.

Рекордот на Вилт од 126 последователни натпревари со 20+ поени беше недопрен од јануари 1963 година, а Шај успеа да го надмине против Бостон во третата четвртина кога го погоди својот препознатлив шут од средна дистанца и ја премина границата од 20 поени по 127-ми пат по ред.

Она што е најимпресивно е влијанието што оваа серија го имаше врз тимот. Во текот на оваа серија, која се протега од 1 ноември 2024 година, Оклахома Сити има нереален рекорд од 103 победи и само 24 порази.

Колку е импресивен овој подвиг покажува фактот дека најблиску до овој подвиг во овој век беше Кевин Дурант со „само“ 72 натпревари.