Јокиќ, Адетокунбо и Дончиќ во ист тим? Нешто се готви...

Никола Јокиќ, Јанис Адетокунбо и Лука Дончиќ би можеле да играат во истиот тим понаредната сезона, а два клуба се заинтересирани за реализација на овој проект - Лос Анџелес Лејкерс и Денвер Нагетс.

Оваа вест ја објавија бројни медиуми во САД, повикувајќи се на добро информирани извори, а доколку се случи, тоа би бил најголемиот договор на некој НБА клуб во последните многу години.

И Нагетс и Лејкерс имаат свои адути во оваа приказна и само е прашање кој од нив ќе успее да ги искористи на пазарот и да ги собере трите мегаѕвезди.

Засега сè е во доменот на шпекулациите, но се очекува многу брзо да се знае нешто конкретно за овој план на двајцата поранешни шампиони на НБА.

Дотогаш, Никола Јокиќ и неговите соиграчи се на турнеја во Кина каде што ќе останат пет дена, а пристигнувањето на најдобриот кошаркар на денешницата во најнаселената земја предизвика вистинска еуфорија на аеродромот, а играчот од Сомбор едвај успеа да се протне до автобусот меѓу големиот број навивачи кои сакаа да се фотографираат со него.