Јокиќ и Нагетс се чудеа што прави Кари, Дончиќ се поправи за последниот дуел

Зад нас е одлична ноќ ширум НБА паркетите во која гледачите имаа можност да ги проследат своите миленици, а најголемо внимание привлече дерби пресметката помеѓу Голден Стејт Вориорс и Денвер Нагетс.

Разиграните Вориорс на крилјата на Стеф Кари ја извојуваа петтата последователна победа, овој пат славејќи со 118:104.

Никола Јокиќ и друштвото немаа решение за Кари и го гледаа како „танцува“ на паркетот. Кари постигна 36 поени и ги предводеше популарните Вориорс до победата.

На другата страна, Јокиќ беше најефикасен кај Денвер со 33 поени, но и тоа не беше доволно за да се избегне пораз. Воедно, српскиот кошаркар повторно воодушеви со одлична асистенција, овој пат „без да гледа“ одзади.

Лука Дончиќ не ја пропушти можноста да се искупи. Словенечкиот кошаркар постигна 35 поени на дуелот против Њу Орлеанс Пеликанс кој неговиот Лос Анџелес Лејкерс го доби со 124:108.

Да потсетиме, Дончиќ претходната вечер по 114 последователни дуели не постигна ниту една тројка. Сепак, тој ноќеска се искупи, погоди 4 тројки и постигна 35 поени.

Неговиот соиграч Леброн Џејмс и покрај необичната повреда успеа да постигне 27 поени. Имено, Кралот со еден скок го закачи работ на кошот и мораше да го затвори дуелот со завиткан прст.

Резултати:

Шарлот Хорнетс - Сакраменто 102:125
Индијана Пејсерс - Јута Џез 140:112
Бостон Селтикс - Феникс Санс 123:103
Торонто Репторс - Детроит Пистонс 105:117
Чикаго Булс - Портланд Треил Блејзерс 118:113
Хјустон Рокитс - Оклахома Сити Тандер 125:111
Сан Антонио Спарс - Кливленд Кавалирс 113:114
Голден Стејт Вориорс - Денвер Нагетс 118:104
Лос Анџелес Клиперс - Далас Маверикс 114:91
Лос Анџелес Лејкерс - Њу Орлеанс Пеликанс 124:108

Табела: