Канадскиот центар Оливје Риу, 20-годишник висок 236 сантиметри, одлучи да ја напушти Флорида и да бара нов клуб во НЦАА лигата.
Риу е еден од 1.600-те играчи кои се регистрирале на т.н. трансфер портал на американската колеџ кошарка (НЦАА), а особено интересно е колку пари бара канадскиот гигант од новиот клуб.
Имено, тој бара дури 3 милиони долари за да се пресели во нов клуб. Станува збор за т.н. NIL договори (име, имиџ и лик), кои од 2021 година им овозможуваат на колеџ спортистите да заработуваат пари од спонзори.
На прв поглед, би се рекло - ништо чудно бидејќи се работи за највисокиот кошаркар во светот, но неговите финансиски барања привлекоа големо внимание поради неговите исклучително скромни перформанси на теренот.
Иако е висок 236 сантиметри, во просек бележи само 0,5 скока по натпревар. Не е подобар ниту во однос на постигнувањето поени, бидејќи во 11 натпревари постигнал просек од 0,6 поени.
Своето деби го имаше во ноември минатата година и стана највисокиот играч што некогаш играл во НЦАА лигата.
Риу, чиј распон на рацете е 244 сантиметри, постави уште еден рекорд во НЦАА лигата кога постигна поени во победата на Флорида Гејторс од 102:61 над Сент Френсис.
Риу за игра ги доби последните две минути од натпреварот, а за време на една акција ја прими топката во својот рекет и заби.
Патем, највисоките кошаркари во историјата на НБА беа Романецор Георге Мурешан и Суданецот Манут Бол, кои беа високи 231 сантиметар.
