Лејкерс немоќни без Дончиќ, Леброн и Ривс: Потоп од 46 разлика против Оклахома

Оклахома Сити Тандер го победи Лос Анџелес Лејкерс со убедлив резултат од 123:87.

Иако на прв поглед овој резултат изгледа неверојатен, работите стануваат појасни кога ќе се види дека Лејкерс играа без пет играчи кои заедно постигнуваат просек од речиси 100 поени: Лука Дончиќ, Леброн Џејмс, Остин Ривс, Маркус Смарт и Џексон Хејс.

Во нивно отсуство, Лејкерс ги предводеше Руи Хачимура со 15 поени, додека Дру Тими и Ник Смит постигнаа по 11 поени.

За Оклахома, Шеј Гилџс-Александер постигна 25 поени со 8 асистенции, додека Чет Холмгрен имаше дабл-дабл со 15 поени и 10 скокови, а Ајзеа Џо погоди 6 тројки. Оклахома шутираше за три поени со 50 отсто успешност, а ја запиша шестата победа во низа.

Натпреварот го обележа инцидентот на клупата на Лејкерс меѓу тренерот Редик и Вандербилт. Сè се случи на почетокот на втората четвртина кога Редик побара тајм-аут и одлучи да го повлече од игра Вандербилт, кој беше во центарот на вниманието поради три промашени слободни фрлања на крајот од првата четвртина. Таа одлука очигледно не му се допадна на крилниот играч на Лејкерс.

Вандербилт реагираше бурно, влезе во расправија со тренерот, а ситуацијата брзо се претвори во сериозен вербален конфликт.

Бостон го победи Шарлот со 113:102. До победата го предводеше Џејлен Браун со 35 поени, додека на другата страна ЛаМело Бол постигна 36 поени.

Резултати:

Индијана Пејсерс - Минесота Тимбервулвс 104:124
Вашингтон Визардс - Чикаго Булс 98:129
Бруклин Нетс - Милвоки Бакс 96:90
Торонто Репторс - Мајами Хит 121:95
Бостон Селтикс - Шарлот Хорнетс 113:102
Њу Орлеанс Пеликанс - Јута Џез 156:137
Голден Стејт Вориорс - Скраменто Кингс 110:105
Лос Анџелес Клиперс - Далас Маверикс 116:103
Лос Анџелес Лејкерс - Оклахома Сити Тандер 87:123
Финикс Санс - Хјустон Рокитс 105:119

Табела: