Македонските кошаркари паднаа две места на ранг-листата на ФИБА

Меѓународната кошаркарска федерација (ФИБА) ја објави својата најнова ранг-листа на националните репрезентации.

Македонската кошаркарска репрезентација падна за две места на новата ранг-листа на ФИБА составена по последниот циклус натпревари (февруари-март).

По двете победи над Луксембург и Азербејџан во претквалификациите за Евробаскет 2029, нашите кошаркари назадуваа за две позиции и репрезентацијата сега се наоѓа на 62. позиција со 220 поени, во конкуренција на 160 држави во кои официјално се игра овој спорт.

Соединетите Американски Држави се на првото место, по нив следуваат Германија на второто и Србија на третото место.

Франција е четврта, Канада на петтото, Австралија на шестото и Шпанија на седмото место. Аргентина, Литванија и Бразил исто така го сочинуваат топ 10.

Единствената промена на врвот е скокот на Грција на 12-то место наместо Латвија.