Многу драма и малку вештини во победата на Лејкерс над Феникс

Натпреварот помеѓу Лос Анџелес Лејкерс и Феникс Санс донесе неверојатна завршница и конфликт помеѓу Леброн Џејмс и Дилон Брукс.

Неретко Брукс во текот на својата кариера зборуваше дека тој е тој што може да го запре Џејмс, и погрдно зборуваше за еден од најдобрите сите времиња, а сега дојде до кулминација.

Првата ситуација се случи во третата четвртина, кога по еден аут Леброн и Дилон влегоа во расправија, а на крајот судиите го држеа „кралот“ за да не ескалира конфликтот.

Натпреварот продолжи, а потоа влезе во драма. Лејкерс во последните 40 секунди влегоа со +4, но следуваа брзи поени на Ален и Брукс (тројка) за пресврт.

Брукс не се задоволи со тоа што го доведе својот тим на чекор до победа, па реши да му се внесе на Леброн в лице по погодената тројка и благо го турна – и за тоа доби техничка грешка!

Буквално од ништо Лејкерс добија шанса да обезбедат продолжеток со последниот напад, но Џејмс го промаши фрлањето...

Но, сепак, доби уште три шанси!

Збунетост настана во последниот напад на „езерџиите“, Дончиќ мораше да му го предаде „жешкиот компир“ на својот најискусен соиграч, а тој беше фаулиран при удар за три поени – кој во секој случај беше од многу тешка позиција. Потребни беа два погодоци за победа...

Го промаши првото фрлање, но на крајот успеа да ги погоди останатите две и конечно да донесе триумф на својот тим.

НБА лига (недела кон понеделник)

Индијана – Вашингтон 89:108

Кливленд – Шарлот 111:119

Атланта – Филаделфија 120:117

Бруклин – Милвоки 127:82

Минесота – Сакраменто 117:103

Чикаго – Њу Орлеанс 104:114

Финикс – Лос Анџелес Лејкерс 114:116

Портланд – Голден Стејт 136:131

Џејмс ја заврши средбата со 26 поени, Диандре Ејтон придонесе со 20 поени и 13 скокови, додека Дончиќ имаше 29, со шест асистенции.

Од другата страна, Девин Букер имаше 27 поени и седум асистенции, Марк Вилијамс постигна 20 со шест освоени топки, а спомнатиот Брукс се истакна со 18 поени.