Ноќеска ширум Америка беа одиграни вкупно шест натпревари во НБА лигата. Еден од најинтересните се одигра во „ТиДи Гарден“ во Бостон, каде што домашните Селтикс го победија Мајами Хит со 98:96.
Победата на домашниот тим добива поголемо значење кога ќе се земе предвид дека надминаа негатива од 22 поена, што е најголемиот камбек на Селтикс сезонава.
Домашниот тим го предводеше Џејлен Браун со 29 поени, додавајќи 7 скокови и 2 асистенции, додека Пејтон Причард додаде 24 поени.
Црногорецот Никола Вучевиќ имаше одлично деби за Селтикс запишувајќи дабл-дабл со 11 поени и 12 скокови.
Канаѓанецот Ендрју Вигинс се истакна кај поразените Хит со 26 поени и 6 скокови, а неговиот соиграч Норман Пауел уфрли 24 поени. Бем Адебајо беше скромен со 16 поени и 7 скокови.
Така, Бостон ја зголеми серијата на 5 победи по ред и е втор на Истокот со скор 34-18, додека Мајами е осми со 27-26 во истата конференција.
Резултати:
Бостон Селтикс - Мајами Хит 98:96
Детроит Пистонс - Њујорк Никс 118:80
Милвоки Бакс - Индијана Пејсерс 105:99
Минесота Тимбервулвс - Њу Орлеанс Пеликанс 115:119
Портланд Треил Блејзерс - Мемфис Гризлис 135:115
Сакраменто Кингс - Лос Анџелес Клиперс 111:114
Табела:
