Ноќеска се одигра првиот натпревар од НБА финалето, во кој Индијана Пејсерс драматично славеше на гостувањето против Оклахома Сити Тандер со 111:110 и поведе со 1-0 во серијата што се игра до 4 победи.
Оклахома водеше од почетокот до самиот крај, а на почетокот на последната четвртина дури имаше и плус 15 (94:79).
Малку по малку, Индијана го намали водството и во последната половина минута Оклахома влезе со водство од 110:109.
11 секунди пред крајот на, МВП-то на лигата Шеј Гилџс-Александер шутираше од својата омилена позиција од полудистанца и промаши, а Индијана доби можност да победи со првото водство во натпреварот.
Тајрис Халибартон ја презеде одговорноста, а за разлика од Шеј, беше прецизен и го постигна победничкиот кош на 0,3 секунди пред крајот.
Шест играчи на Индијана постигнаа двоцифрен број поени, а тројца имаа дабл-дабл. Паскал Сјакам беше предводник со 19 поени и 10 скокови, Оби Топин додаде 17 поени, а Халибартон имаше 14 поени, 10 скокови и 6 асистенции.
За Оклахома, Гилџс-Александер беше предводник со 38 поени, Џејлен Вилијамс уфрли 17, Лугенц Дорт 15, а Алекс Карузо 11, додека Ајзе Хартенштајн имаше по 9 поени и скокови.
Вториот натпревар од серијата исто така ќе се игра во „Пејком Сентр“ арената во Оклахома во 2 часот наутро во понеделник.
