ТиЏеј Шортс (27), еден од најдобрите кошаркари во Европа, наводно ја одбил понудата од Барселона од 2,5 милиони евра.
Шортс, годинава „ведри и облачи“ од европската кошарка, а заедно со неговиот Париз е најубавата приказна сезонава во Евролигата.
Американецот со македонски пасош статистички доминираше, па регуларниот дел од сезоната во Евролигата го заврши со 18,8 поени и 7,5 асистенции, а со Париз избори место во плејофот.
Со оглед на тоа што неговиот договор со францускиот тим истекува на крајот од сезоната, јасно е дека најголемите европски клубови ќе направат сѐ за да го доведат, а меѓу првите се обиде Барселона.
Според Pianeta Basket, Барса на Шортс му понудила договор вреден 2,5 милиони евра годишно, но тој го одбил.
Се шпекулира дека репрезентативецот на Македонија сѐ уште не сака да донесе одлука за својата иднина, односно дека сака по завршувањето на сезоната да ги разгледа сите понуди од заинтересираните клубови.
