Трипл-дабл број 33 за Јокиќ сезонава, Денвер со нов тренер ја прекина серијата порази

Денвер Нагетс го совлада Сакраменто Кингс со 124:116 на гости, во дебито на новиот тренер Дејвид Аделман.

Ова беше првиот натпревар на Нагетс откако деценискиот тренер Мајкл Мелоун и генералниот директор Калвин Бут беа отпуштени.

Никола Јокиќ го забележа својот трипл-дабл број 33 сезонава со 20 поени (5/12 од игра, 10/10 слободни), 12 скокови и 11 асистенции, а по којзнае кој пат тоа го направи во третата четвртина. Имаше и 4 украдени топки Кај Денвер забележителен беше и Крисчн Браун со постигнати 25 поени, а Арон Гордон и Мајкл Портер Џуниор додадоа по 21 поен.

Со оваа победа Денвер ја прекина серијата од 4 порази.

На два натпревара до крајот на регуларниот дел, Нагетс (48-32) се изедначени со Лос Анџелес Клиперс за четвртото место во Западната конференција.

Зак ЛаВин постигна 27 поени со 11 асистенции за „Кралевите“, а ДеМар ДеРозан додаде 22 поена.

Најголемиот конкурент на Јокиќ за наградата МВП, Шеј Гилџс-Александер, ја пропушти гостинската победа на Оклахома Сити Тандер од 125:112 кај Феникс Санс.

Гилџс-Александар беше поштеден, а со овој пораз Феникс дефинитивно ја загуби шансата за пласман во плејофот.

Резултати:

Орландо Меџик - Бостон Селтикс 96:76
Вашингтон Визардс - Филаделфија 76ерс 103:122
Далас Маверикс - Лос Анџелес Лејкерс 97:112
Торонто Репторс - Шарлот Хорнетс 126:96
Чикаго Булс - Мајами Хит 119:111 (прод.)
Јута Џез - Портланд Трејл Блејзерс 133:126
Голден Стејт Вориорс - Сан Антонио Спарс 111:114
Феникс Санс - Оклахома Сити Тандер 112:125
Сакраменто Кингс - Денвер Нагетс 116:124
Лос Анџелес Клиперс - Хјустон Рокитс 134:117

Табела: