Скандалот со нелегално обложување што ја тресе НБА во последните недели може да влијае и на една од најголемите ѕвезди, Леброн Џејмс.
Претприемачот Патрик Бет-Дејвид предупреди за оваа можност, истакнувајќи дека долгогодишниот деловен партнер на Џејмс, Маверик Картер, им признал на федералните агенти во 2021 година дека нелегално се обложувал на натпревари.
Според извештаите на The Washington Post, Картер признал дека во текот на една година поставил околу дваесет облози, во износ од 5.000 до 10.000 долари по облог. Во тоа време не беа покренати обвиненија против него бидејќи не се сметаше за главна цел на истрагата.
Самиот Џејмс тврдеше дека не бил свесен за активностите на својот партнер сè додека не се појави веста. Тој нагласи дека Картер нема директна поврзаност со НБА или НФЛ, што теоретски би му дозволило да се обложува без да ги прекрши нивните внатрешни правила. Сепак, ако судските власти успеат да докажат дека Картер се здружил со обвинетите во скандалот од 2025 година, последиците би можело да се прошират.
Патрик Бет-Дејвид оди чекор понатаму во својот подкаст The PBD Podcast и тврди дека, во случај ФБИ повторно да ја отвори истрагата против Картер, ѕвездата на Лејкерси би можела да биде казнет со забрана за влез во Куќата на славните, во која треба да влезе по пензионирањето.
Таков преседан во историјата на НБА би бил исклучително редок. До денес, ниту еден активен играч не бил казнет на овој начин поради надворешна кривична истрага.
Џејмс е најдобриот стрелец во историјата на НБА (42.184 поени), четирикратен МВП на НБА и нејзин четирикратен шампион.
