Возачот на Дукати, Франческо Бањаја, ја освои денешната пол позиција за спринтот и главната трка за Големата награда на Чешка во Мото ГП шампионатот.
Бањаја стигна до првата пол позиција оваа сезона на патеката во Брно со време од 1.52.303.
Возачот на Дукати, Марк Маркес, беше блиску до освојување на пол-позицијата, но падна од моторот во последниот обид и заврши втор, со заостанување од 0,219 секунди.
Фабио Куартараро од Јамаха го освои третото место, 0,305 секунди зад победникот во квалификациите.
Спринт трката за Големата награда на Чешка ќе се одржи денес од 15:00 часот, додека главната трка е утре во 14:00 часот.
Марк Маркес е лидер во генералниот пласман со 344 поени, Алекс Маркес е втор со 261, а Бањаја е трет со 197.
