Биг Дез избркан од Бакс: Тврдел дека се обидува да ослаби, а се здебелил 18 кг

Американскиот фудбалер Дезмонд Вотсон повторно се најде во центарот на вниманието во САД откако повторно беше отпуштен поради прекумерна тежина.

Вотсон беше член на Тампа Беј Бaканирс, чии тренери и претходно го отстрануваа од тимот поради прекумерна тежина, но овој пат нивната соработка конечно заврши.

Кога 22-годишниот Вотсон му се приклучи на тимот имаше 228 килограми и беше на списокот на повредени играчи додека се обидуваше да ослабе цело лето, но безуспешно, пишува Yahoo Sports.

Неодамна накратко се врати во тимот и рече дека ослабел, но одби да го сподели точниот број килограми.

После тоа никогаш не беше вклучен во тимот на Бакс, а сега е отпуштен.

Интересно е што претходните информации велеа дека Вотсон имал 210 килограми, што значи дека дополнително се здебелил во последните месеци, иако тврдеше дека се обидува да ослаби.

Му беше забрането да игра натпревари, но сега е целосно отстранет од тимот и отпуштен.

Вотсон не беше драфтуван за време на годинашниот НФЛ драфт, па потпиша со Тампа Беј Баканирс како недрафтуван слободен агент откако ги импресионираше на Про Деј настанот. Со висина од 1,98 м и тежина од 210 кг, направи 36 повторувања на бенџ прес и истрча 40 јарди (36,576 м) за 5,95 секунди, плус забележа вертикален скок од 64 см.