Најуспешната нација на Зимските олимписки игри во Милано и Кортина е Норвешка. Четврти Игри по ред Норвежаните го освоија првото место по бројот на медали, а нивниот последен „пораз“ беше во 2010 година во Ванкувер, кога доминираа Канаѓаните, чии спортисти освоија вкупно 41 медал, од кои 18 беа златни.
Норвешка, со само 80 спортисти, исто така го сруши рекордот кој го постави со 16 златни медали на Олимписките игри во Пекинг пред четири години. Норвешка Игрите во Милано и Коритна ги заврши со 18 златни и по 11 сребрени и бронзени медали.
На второто место на ранг-листата се спортистите на САД, кои со триумфот на хокеарите на последниот ден стигнаа до своето 12-то злато (четири повеќе од претходните Игри во Пекинг), а вкупно освоија 33 медали со дури 232 спортиста.
Домаќините исто така можат да се пофалат со успешни Игри. За Италија, ова беа исто така рекордни ЗОИ. Нејзините спортисти освоија 10 златни медали, исто како и Холандија. Италијанците освоија вкупно 30 медали, а Холанѓаните 20, но се пред домаќините поради едно сребро повеќе.
🥇🥈🥉 The final medal count of #MilanoCortina2026!!
— Milano Cortina 2026 (@milanocortina26) February 22, 2026
So many emotions!!#Olympics pic.twitter.com/SLAUaTj8db
Од 92 земји што учествуваа на 25-тите Зимски олимписки игри, медали освоија спортисти од 29 земји.
Од територијата на поранешна Југославија, само Словенците освоија медали, вкупно 4 (2-1-1). Сите се освоени во скијачки скокови, а членовите на семејството Превц, Домен и Ника, учествуваа во сите медали.
Херој на ЗОИ е Јоханес Хесфлот Клабо, кој освои 6 златни медали. Едноставно е неверојатен факт дека Клабо, според бројот на златни медали, би го освоил деветтото место во вкупниот поредок, пред велесилите Австрија или Јапонија и Канада.