Марк Маркес по деветти пат стана светски шампион и се изедначи со Валентино Роси

Шпанскиот мотоциклист Марк Маркес стана деветкратен светски шампион со пет трки до крајот на годинашното Мото ГП првенство.

Маркес го освои трофејот благодарение на второто место на Големата награда на Јапонија, кое го освои неговиот колега од Дукати, Франческо Бањаја.

На тој начин, Марк ја искористи првата меч-топка за титулата, бидејќи неговиот помлад брат Алекс, кој беше негов единствен ривал во трката за титулата, заврши само шести.

На овој начин, Маркес ја врати титулата по шест години и стана првиот возач што го сторил тоа по толку долго отсуство, а никој не веруваше дека тоа ќе биде можно откако имаше четири операции на раката што ја повреди на отворањето на сезоната 2020 во Херес, поради што пропушти 30 трки во четири сезони.

Шпанскиот мотоциклист има забележано 11 победи на големи трки и 14 спринтерски триумфи оваа сезона.

Маркес се изедначи по бројот на титули со големиот Валентино Роси. И двајцата имаат по 7 шампионски титули во премиер класата, а вкупно 9.

Само Џакомо Агостини (8) има повеќе титули од двајцата во најсилната категорија, а е исто така рекордер по бројот на вкупни титули со 15, додека само Анхел Нието (13, но ниту една во премиер класата) има освоено двоцифрен број на титули.

Шампионатот во Мото ГП продолжува следната недела со Големата награда на Индонезија.