Откако Канзас Сити Чифс ја одбранија титулата во НФЛ, Тејлор Свифт истрча на теренот и го бакна своето момче, играчот Тревис Келси.
Чифс ги победија 49ерс со 25:22 на стадионот Allegiant во Лас Вегас. Тејлор го бодреше својот сакан од трибините заедно со нејзините пријатели Блејк Лајвли, Ајс Спајс, Лана дел Реј и Ешли Авињоне и членовите на неговото семејство.
По победата, таа се втурна во неговите прегратки и го бакна.
Со оглед на тоа што Тејлор моментално е најпопуларната пејачка во Америка, секој детаљ од нејзиниот приватен живот е под будното око на јавноста. Таа во септември минатата година потврди дека е во врска со Тревис.
Тревис беше на нејзината турнеја во јули. Сакаше да ѝ подари нараквица на која беше испишан неговиот телефонски број. Сепак, тој не успеа во тоа и се пожали во својот подкаст.
„Бев разочаран што не зборува ниту пред, ниту по концертите бидејќи го чува гласот за да може да изведе 44 песни“, рече тој. Тејлор ја слушна оваа изјава и реши да стапи во контакт со него.
„Сè започна кога Тревис ме одушеви со изјавата на неговиот подкаст. Веднаш потоа почнавме да се дружиме“, изјави Тејлор за магазинот Time. Пријателството набрзо прерасна во љубов.
