Тешка повреда на шампионот: Хорхе Мартин заработи 11 скршеници на ребрата

Актуелниот шампион во Мото ГП, Хорхе Мартин, вчера доживеа тежок пад во осмиот круг на патеката „Лусаил“ во Катар, при што се здобил со 11 скршени ребра, соопштија лекарите.

Добрата вест за возачот на Априлија е што поминал мирна ноќ во болницата „Хамад“ во Доха и дека нема траума што му влијаела на мозокот, пршлените или абдоминалните органи. Има пулмонален едем, поради што ќе остане во болница да ја следи состојбата бидејќи постои можност плеврата да се полни со воздух.

Ова е трета тешка повреда за Шпанецот во последните неколку месеци, бидејќи ги пропушти првите три трки поради скршеници на рацете и стапалата за време на претсезонските тестирања.

„Му благодарам на Бога затоа што тоа што се случи можеше да биде многу полошо. Ќе се обидам да ве информирам за сѐ“, порача Мартин од болницата.

Мартинаторот како да е од челик, дури ни сериозните повреди не го потресоа, ќе видиме само кога ќе се врати на патеката.