Деветкратниот светски шампион Марк Маркес ќе се врати на патеката дури следната сезона, потврди Дукати.
Во инцидентот на Големата награда на Индонезија, кога Марко Бецеки го исфрли од патеката, Маркес се здоби со фрактура на клучната коска и ги оштетети лигаментите.
Шпанецот, една недела пред трката во Индонезија, во Јапонија, ја обезбеди својата деветта светска титула.
Тестовите што ги спроведе Маркес во Мадрид оваа недела потврдија дека тој нема да биде подготвен за големото финале од сезоната и ќе ги пропушти последните две трки, во Портимау и Валенсија.
Покрај тоа, новиот шампион нема да биде на патеката за тестовите за следната сезона закажани на патеката „Рикардо Тормо“ во Валенсија на 18 ноември, два дена по последната трка од сезоната.
