ЕХФ уште нема донесено одлука во врска со натпреварот меѓу Алкалоид и АЕК. Финалниот реванш, во Скопје, не започна, откако ракометарите на грчкиот тим одбија да го одиграат натпреварот.
48 часа по тоа што се случи во Скопје, ЕХФ се огласи за да каже дека ќе се огласи кога правната комисија ќе ја разгледа документацијата што ја побарале од Алкалоид и АЕК.
(Не)јасно е зошто ЕХФ повторно игра по нотите на АЕК. Грците со вакви сплетки веќе еднаш избгнаа да играат реванш на гостински терен во полуфиналето против Партизан во Белград, кога одбија да го играат натпреварот „бидејќи немало услови за игра“. Реваншот се одигра на неутрален терен без публика, а АЕК по изведувањето пенали се пласираше во финалето.
Одлужувањето на донесувањето на единствената логична одлука, натпреварот да биде регистриран со службен резултат и титулата да му се додели на Алкалоид, може да значи дека на челниците на АЕК уште еднаш да ја измамат ЕХФ.
Ако тоа се случи ЕХФ ќе го загуби кредибилитетот, иако веднаш беше откриено дека ракометарите на АЕК не се појавија на теренот во „Борис Трајковски“ поради заканата од нивните навивачи.
