Падна клетвата, Новак победи пред Роџер: Конечно победив додека Федерер ме гледаше

Новак Ѓоковиќ го обезбеди своето место во четвртфиналето со својата 101-ва победа на Вимблдон, пред Роџер Федерер, единствениот тенисер со повеќе победи на Грен слем турнирот во Лондон од кој било друг играч. Швајцарецот го гледаше натпреварот на Централниот терен со сопругата Мирка и често беше во кадарот.

„Имаше предизвикувачки моменти, немам баш сервис волеј игра како оној господин на трибините (Федерер), но не можам да се пожалам“, рече Новак, покажувајќи кон Роџер.

И тогаш откри еден интересен детаљ.

„Прв пат добив натпревар додека Роџер ме гледаше од трибините. Ги загубив последните неколку. Добро е што некако го тргнав ова проклетство. Го почитувам Роџер, го ценам, сакам да го гледам на Вимблдон затоа што ова е неговиот омилен турнир“, заврши Новак.

Ѓоковиќ го елиминираше Алекс Де Минор со 3-1 иако првиот сет го загуби со убедливи 6:1.