Арина Сабаленка ја отвори новата сезона со трофеј на турнирот во Бризбејн.
Белоруската тенисерка рутински славеше во финалето против Марта Костјук со 2-0 (6:4, 6:3).
Арина ја освои својата 22-ра титула во кариерата и прва од УС опен минатата година. Ова е нејзина шеста титула на турнирите од Серијата 500.
Сабаленка ги отвори двата сета со 3:0 и брзо стави дознаење во која насока оди овој меч, и дека ќе го освои купот во Бризбејн без премногу проблеми.
Следниот предизвик за Сабаленка е Австралија опен, каде што освои два трофеја во последните три години. Минатата година во финалето беше поразена од Медисон Кис.
