Италијанскиот тенисер Јаник Синер го оправда својот статус на фаворит во Пекинг и го освои АТП 500 турнирот со победа во финалето над Лернер Тјен.
Американскиот тинејџер и светски број 52 беше лесна мета за Синер во финалето, кој ја заврши работата по само 74 минути игра.
Вториот светски број победи со 6-2, 6-2, со што стигна до 21-та титула во својата кариера и втора во Пекинг.
Сепак, она што е особено интересно е што ова беше третата титула на Синер оваа сезона. Пред денешниот триумф, Италијанецот освои два Грен слем турнири - Австралија опен и Вимблдон, додека загуби во четири финалиња (Мастерс Рим, Ролан Гарос, Мастерс Синсинати и УС опен).
Сите четири негови порази дојдоа од Карлос Алкарас, кој, за среќа на Синер, не играше во Пекинг, туку во Токио, каде што го освои турнирот.
