Шангај е домаќин на еден од најсложените турнири на АТП Мастерс 1000 во последните години. Бројни истакнати тенисери ги откажаа своите настапи, а оние што останаа се соочуваат со сериозни тешкотии. Тенисерите број еден и број два во светот се повлекоа предвреме. Карлос Алкарас го пропушти турнирот по триумфот во Токио, а Јаник Синер се повлече поради повреда.
Главниот проблем се временските услови. Според шпански AS, температурата се искачува над 30 степени Целзиусови, а многу високата влажност ги отежнува условите за време на натпреварите. Поранешниот број еден Новак Ѓоковиќ нагласи дека не памти да играл во вакви услови. „Не можам да се сетам кога последен пат играв на таква влажност. Условите се исти за сите, но тешко е да се игра кога нивото на влажност е на 80% секој ден, особено во утринските часови“, рече српскиот тенисер.
Холгер Руне отиде чекор понатаму во својата критика. За време на неговиот натпревар со Французинот Перикардо, тој жестоко му се обрати на судијата.
„Сакате некој да умре среде натпревар?“, праша тој, а подоцна додаде за медиумите: „Мислам дека на турнири како овој треба да има правило против екстремна топлина, како на Грен слем турнирите. Можеме да се справиме со топлината бидејќи сме спортисти и мора да бидеме подготвени за сè, но мора да има ограничување.“
Новак Ѓоковиќ и Зизу Бергс ќе излезат на теренот во 12:30 часот. Првиот полуфинален натпревар започнува во 15:00 часот по локално време, а прогнозата за тој период вели 29 степени Целзиусови и 58% влажност.
Вториот полуфинален натпревар е закажан за 18:30 часот по локално време, а играчите повторно ќе очекуваат многу висока влажност на воздухот од околу 78%. Температурата треба да падне на 26 степени Целзиусови, но условите сепак остануваат тешки за играње.
