Шведскиот скијач Кале Халфварсон (34) се здоби со навистина необична спортска повреда за време на скијачки натпревар во Финска.
На несреќниот Швеѓанец му замрзнал пенисот за време на трката како последица на ниските температури.
„Ми замрзна пенисот. Навистина. Чувствував дека нешто не е во ред на три круга пред крајот. Морав да лежам во шаторот десет минути за да го загреам, многу ме болеше. Тоа е најлошата болка што сум ја доживеал во животот Беше ужасно“, изјави Халфварсон за шведски Expressen по трката од 20 километри од Светскиот куп во Рука.
Температурата на стартот на трката во североисточниот дел на Финска беше -15 степени Целзиусови, а Халфварсон заврши на 18. место.
Инаку, ова е втор пат Халфварсон да ја има оваа повреда и на иста патека, па се пошегува.
„За среќа, наскоро ќе добијам уште едно дете, ако вака продолжи, тешко дека ќе можам повеќе да имам деца“, изјави освојувачот на три медали на Светско првенство.
