Институтот којшто ја произведе руската вакцина Sputnik V против COVID-19 објави дека истата штити од сите познати варијанти на SARS-CoV-2, вклучително и делта варијантата одговорна за експлозија на пандемијата во Русија.
Москва, како и другите градови во земјата, се зафатени со нов бран поради што има рекорден број заразени.
Александар Гинцбург, директорот на институтот Гамалеја што ја произведе вакцината, изјави дека двете дози на вакцината штитат од сите досега познати варијанти, од британската па до индиската делта. Со овие изјави се поттикнуваат луѓето на вакцинација во време кога кампањата е во застој поради недоверба кон вакцината.
Градоначалникот на Москва, Сергеј Собјанин изјави дека 90% од новозаразените се со делта варијанта којашто се појави во Индија.
Снимки од локалните медиуми покажуваат преполни болници во Санкт Петербург каде што некои од пациентите лежат по подовите.
Во Русија досега починаа 129.801 заболен.