Марко Арнаутовиќ со голот за Австрија ги постави конечните 3:1 во победата против Македонија на ЕУРО, на една минута пред крајот.
Голот за историскиот триумф, првата победа на Австрија на ЕУРО во историјата и првата победа на големите натпреварувања по Светското првенство 1990 година, Арнаутовиќ го „прослави“ со низа вулгарни пцовки кон македонските фудбалери.
„Je*em ti majku (Да ти е*ам мајката) е само една од пцовките што ги упати Арнаутовиќ, а се чини дека имаа една конкретна мета – нашиот репрезентативец Езѓан Алиоски.
Арнаутовиќ е дете на Србин и Австријка, па му се обрати на Алиоски на јазик за кој беше сигурен дека ќе го разбере. Австрискиот офанзивен играч е инаку познат по своите примитивни испади.
Арнаутовиќ не престана со пцуење, на што веднаш реагираше австрискиот капитен Давид Алаба.
Тој потрча кон својот соиграч и цврсто му ја стисна вилицата, обидувајќи се да го замолчи, за да не ја срами цела репрезентација пред фудбалска Европа.
Дури кога Арнаутовиќ престана да вика и да навредува, Алаба му ја тргна раката од лицето.
Сосема непотребната примитивна реакција на Арнаутовиќ наводно тлее одамна – тој и Алиоски имале несогласувања уште од Премиер лигата, од времето кога Австриецот играше за Стоук, а нашиот Џани, од 2017 е играч на Лидс.
Останува отворено прашањето дали Арнаутовиќ ќе биде санкциониран за неспортското однесување.
Бруталната реакција на австрискиот репрезентативец може да ја видите на видеото подолу: