Премиерката на Србија, Ана Брнабиќ, денеска на белградскиот аеродром испрати авион со 100.620 дози вакцини Фајзер како подарок за Чешка или помош во борбата против епидемијата со COVID-19, јави дописникот на МИА од Белград.
Владата на Србија на седница на 20 мај донесе одлука на Чешка да ѝ се подарат 100.000 вакцини Pfizer/BioNTech во знак на солидарност со граѓаните на таа земја во борбата против епидемијата со COVID-19.
Претседателот на Србија, Александар Вучиќ, за време на официјална посета на Чешка на 19 мај, понуди донација на премиерот на таа земја, Андреј Бабиш.
Бабиш тогаш на Twitter напиша дека претседателот Вучиќ му понудил „неверојатен подарок“ кој, како што истакна, ќе овозможи забрзување на вакцинацијата во таа земја.
– Со најдобри желби и Чешка да го победи коронавирусот што е можно побргу и сите заедно во Европа да продолжиме со нормален живот, економија, меѓусебни посети и патувања, порача денеска Брнабиќ на белградскиот аеродром..
Таа истакна дека во човечка смисла, најважно е кога може да им се помогнете на пријателите и партнерите.
На новинарско прашање за вакцинацијата во Србија, Брнабиќ кажа дека досега се вакцинирани 2.533.844 граѓани, поточно околу 47% од вкупната полнолетна популација.
– Две дози вакцина примиле 2.055.471, поточно 38% од вкупното население, изјави Брнабиќ.
Таа додаде дека, според искуството на Израел, за да се релаксираат мерките ќе треба да се вакцинираат вкупно 56% од граѓаните.
