Отсега посетителите на Средно Водно ќе имаат можност да бидат и еко корисни со тоа што својот отпад ќе можат соодветно да го селектираат при неговото одлагање.
„За поубаво и почисто Водно поставени се корпи за селективен отпад на повеќе локации на Средно Водно“. велат од Град Скопје.
Поставувањето на корпите за селективен отпад е дел од проектот „Велосипедизам и патеки за планински велосипедизам на планината Водно”, поддржан од Советот за Регионална Соработка. Во склоп на овој проект, неодамна беше пуштена во употреба новата нагорна пионерска велосипедска патека на Водно.
Кантите сѐ уште не се обележани, па претпоставуваме дека ќе бидат за пластика, хартија и стакло.
Фото: Град Скопје