Пратеникот поднесе оставка откако на социјалните мрежи се појави видео на кое се гледа како гледа видео со експлицитна содржина.
Пратеникот од редовите на социјалистите Звонимир Стевиќ поднесе оставка од функцијата откако на социјалните мрежи се појави видео на кое се гледа како гледа порно филм за време на седницата за Косово, јавуваат белградските медиуми.
„Пред половина час дадов оставка од пратеничката функција. Не можам повеќе да зборувам, јавете ми се повторно за два часа“, кратко изјави Стевиќ.
Во понеделникот вечерта на социјалните мрежи беше објавено видео на кое се гледа како пратеник гледа видео со експлицитна содржина за време на дебатата за европскиот план за Косово. Инаку, Звонимир Стевиќ (66) е член на собраниската Комисија за Косово и Метохија и заменик член на Комисијата за уставни прашања и законодавство и заменик член на Комисијата за административно-буџетски и мандатно-имунитетни прашања.
На почетокот на денешната седница во собраниската сала немаше пратеници на СПС, но дојдоа доцна и ќе учествуваат во работата. Исто така, пратеничката на Социјалистичката партија на Србија Снежана Пауновиќ повеќе нема да биде потпретседател на парламентот, одлучено е на седницата на Претседателството на СПС.
