Кошаркарската ѕвезда Стеф Кари пушти во продажба 2.974 NFT патики, за да го одбележи рекордот од 2.974 тројки, највисока бројка во историјата на НБА лигата.
NFT патиките се дигитални копии на патиките кои ги носеше кога го собори рекордот по број на постигнати тројки.
Плејмејкерот на Голден Стејт Вориорс ја постигна рекордната тројка во Њујорк против Никс во Медисон Сквер Гарден.
Genesis Curry Flows се нарекуваат „дигитални патики“ и веднаш се распродадоа. Чинат 333 долари.
Во овој проект му помогна неговиот спонзор Under Armour, кој е производител на вистинските патики и изјавија дека сите заработени пари Кари ќе ги донира во добротворни цели.
Сопствениците на дигиталните патики на Кари ќе можат да ги носат во три различни метаверзуми: Gala Games, The Sandbox и Decentraland.
Кари не е нов во бизнисот со незаменливи токени (non-fungible tokens), бидејќи во август го купи Bored Ape NFT за 180.000 долари, а тимот на Голден Стејт Вориорс работи со FTX и подготвува нова верзија на NFT.
NFT е вистински бум во САД, дури и во спортот, бидејќи вкупната заработка и продажба изнесува 246 милиони долари.
На крајот на годината се очекува вкупната заработка и продажба во светот да изнесува 12 милијарди долари.
