Првиот кинески патнички авион од домашно производство утрово полета на својот прв комерцијален лет.
Државната телевизија го прикажа C919 како се издигнува на небото над Шангај и се упатува кон главниот град Пекинг, објави BBC.
Авионот е дело на Commercial Aviation Corporation of China (Comac), компанија која се надева дека ќе ја прекине доминацијата на авионите на Airbus и Boeing.
Кинескиот авион со 164 седишта сè уште многу се потпира на западните компоненти, вклучувајќи ги моторите и разни други компоненти.
Неговиот прв комерцијален лет од Шангај до Пекинг, со повеќе од 130 патници, заврши за нешто помалку од три часа.
Државниот авиопревозник China Eastern Airline нарача пет авиони.
Comac, кој планира да произведува 150 авиони годишно во пет години, вели дека веќе има обезбедено повеќе од 1.200 нарачки за C919.
Некои експерти, сепак, велат дека повеќето од тие нарачки се сметаат за писма со намера од домашни купувачи.
Претседателот Си Ѓинпинг, кој седна во пилотската кабина на макет C919 пред неколку години, го опиша проектот како едно од најиновативните достигнувања на Кина.
