Стојмир Дејаноски е нов претседател на КК Гостивар

Кошаркарскиот прволигаш од Гостивар доби нов претседател. По истекот на мандатот на досегашниот Игор Ристоски, на раководната позиција претседател на Управниот одбор на КК Гостивар е избран Стојмир Дејаноски, гостиварски стопанственик и доскорешен член на управата на клубот.

Смената на раководната функција се случила по синоќешниот состанок на кој главни теми биле плановите за наредната сезона. На состанокот биле потврдени функциите на Ѓорѓи Божиновски (спортски директор), Александар Трпевски (финансиски директор) и Ивица Адамовски (извршен директор).

Раководството на клубот дискутирало и за учеството во АБА2 лигата, за која во гостиварскиот прволигаш сериозно се размислува. Од тие причини биле разгледувани условите во салата „Младост“ во која тимот ги игра натпреварите како домаќин. Салата засега не ги исполнува критериумите за одигрување на натпревари од повисок ранг кои се пропишани од ФИБА. Претходно биле констатирани некои недостатоци кои се однесуваат на греењето, соблекувалните, семафорите, покривот на салата, влезовите, осветлувањето и инфраструктурата околу објектот. За ова се разговарало и со локалната самоуправа, во чија сопственост е салата и од градоначалникот добиле ветување дека тоа може да се надмине за кусо време.

Раководството на КК Гостивар ја утврди финансиска рамка според која ќе се димензионира и буџетот на клубот за идната сезона.

Од клубот информираа дека се чека на насоките од КФМ и ФИБА за отпочнување на подготовки и стартот на новата натпреварувачка сезона.

По почетокот на вториот дел прекинатото првенство, КК Гостивар го засили играчкиот кадар и најави пласман во врвот на табелата. Пред прекинот, клубот беше на третото место на табелата со 29 бодови исто колку и второпласираниот Работнички.

реклама

Протести во Белград поради враќањето на полицискиот час, полицијата употреби солзавец

Read more

Родителите на деца кои одат во училиште да се вратат на работа, одлучи Владата

Read more

Како паметно да одговорите на навреда?

Read more

Витаминот Д и коронавирусот - Вистинска или залудна надеж?

Read more

Кошарка

Лејкерс и Никс се опции за Лилард

Read more

Јанис: Мораме да се подготвиме ментално, ова е најтешката сезона досега

Read more

Новата сезона во АБА ќе почне на 19 септември

Read more

НБА се враќа со дербито Лејкерс - Клиперс

Read more

Спорт

  • play_arrow

Милан го среди Јуве, бламажа на Лацио

Читај повеќе

Половина милијарда долари - Патрик Махомс го потпиша најскапиот договор во историјата на спортот

Читај повеќе
  • play_arrow
  • filter

Времеплов: 46 години од митското финале на Кројф и Бекенбауер

Читај повеќе
  • play_arrow

Камера сними гром како удира во голман

Читај повеќе

НХЛ и здружението на играчи се согласија за планот за продолжување на сезоната

Читај повеќе
  • play_arrow

Вердер избори опстанок во Бундеслигата

Читај повеќе
  • play_arrow

Автогол му ја донесе победата број 200 на Мурињо

Читај повеќе

АТП со важна промена во системот за рангирање

Читај повеќе

Кој ќе го купи Милинковиќ-Савиќ на попуст?

Читај повеќе