Американските експерти за безбедност се загрижени за можен „напад однатре“.
Постои загриженост за заканата што може да дојде од припадниците на службата кои ќе бидат задолжени за чување на избраниот претседател на САД, Џо Бајден, за време на инаугурацијата на 20 јануари, поради што побараа сите 25.000 припадници на Националната гарда да дојдат во главниот град во среда.
Се појави зголемена претпазливост поради немирите што се случија на 6 јануари, кога пет лица беа убиени при упад на приврзаниците на Трамп во зградата на Конгресот, објави Associated Press.
Министерот за војска Рајан Мекарти за AP изјави дека безбедносните служби се свесни за потенцијалните закани и ги предупреди командантите на единиците да бидат дополнително претпазливи како се проближува денот на инаугурацијата, но командантите досега не забележале никаква закана.
Националната гарда почна да пристигнува во Вашингтон минатата недела и додаде дека ќе биде комплетирана до среда.