Стравот од инфлација стивна, голем скок на Волстрит

Цените на акциите на Волстрит пораснаа во средата по најавата дека американската инфлација во јули изнесува 8,5 отсто на годишна основа, помалку од очекуваното и пониска од еден месец претходно, што ги зајакна надежите на инвеститорите дека ФЕД сега ќе биде помалку агресивен со зголемување на каматните стапки.

Индексот Dow Jones порасна за 535,1 поен или 1,63 отсто, на 33.309 поени, што ја оствари најголемата дневна добивка во последните три недели. Истовремено, индексот S&P 500 скокна за 2,13 отсто, на 4.210 поени, највисоко ниво од мај, а Nasdaq за 2,89 отсто, на 12.854 поени. И двата индекса остварија најголем дневен скок во последните две недели.

Остриот пад на цената на бензинот помогна да се забави растот на годишната инфлација во најголемата светска економија од рекордните 9,1 отсто во јуни на 8,5 отсто во јули. На месечно ниво, индексот речиси стагнира, откако во јуни порасна за 1,3 отсто, соопшти Министерството за труд.

Овие податоци предизвикаа пораст на цените на акциите, бидејќи тоа е првиот забележлив знак на олеснување за Американците, кои внимателно го следат растот на цените со месеци.

Можно ново зголемување на каматите

Учесниците на пазарот сега проценуваат дека шансите ФЕД повторно да ги зголеми каматните стапки во септември за 0,75 процентни поени, трет пат по ред, се само 43,5 отсто, додека пред објавувањето на податоците за инфлацијата тој процент беше речиси 70 отсто. Повеќето од нив сега проценуваат, 56,5 отсто, дека ФЕД ќе ги зголеми каматните стапки за 0,5 отсто.

„За пазарот, ова е едно од најдобрите сценарија во моментов, бидејќи силен пазар на труд, при што инфлацијата потенцијално почнува да се ублажува, е она што би претставувало ‘меко приземјување’“, рече Шон Снајдер, стратег во City U.S. Wealth Management. Сепак, тој додава дека еден месец малку пониска инфлација не е доволен за да се испрати јасен сигнал до ФЕД.

Генерален раст

Вчерашниот раст на цените ги погоди сите берзански сектори, а најголеми добитници беа акциите на компаниите чие работење зависи од деловниот циклус.

„Инфлацијата од 8,5 отсто е сè уште висока, но учесниците на пазарот се надеваат дека јунскиот 9,1 отсто можеби беше врв на растот на цените“, вели Ренди Фредерик од инвестициската компанија Charles Schwab. Тој смета дека податоците за цените на производителите во јули, кои ќе бидат објавени во четврток, заедно со августовските податоци за инфлацијата и извештајот за вработеноста, кој ќе биде објавен во септември, може да го сменат правецот на политиката на ФЕД.

ФЕД ги зголеми клучните каматни стапки за 2,25 процентни поени од март, загрижувајќи ги инвеститорите дека таков силен скок на трошоците за задолжување може да ја турне американската економија во рецесија. Забавувањето на инфлацијата во јули е првиот позитивен знак поврзан со ценовните притисоци откако ФЕД го започна циклусот на монетарно затегнување.

Забавениот раст на инфлацијата во САД го поддржа и растот на европските берзи, при што индексот Stoxx 600 вчера порасна за еден процент. Истовремено, лондонски Ftse индекс зајакна 0,25 отсто, на 7.507 поени, франкфуртски DAX скокна за 1,23 отсто, на 18.700 поени, а париски CAC за 0,52 отсто, на 6.523 поени.

Тагови
реклама

iPhone 14 Pro „растури“ на тестот за квалитет на камерата

Read more

Руски астролог открива кои три хороскопски знаци ќе имаат најмногу среќа во 2023 година

Read more

Што кралот Чарлс јаде за појадок?

Read more

НАСА го удрила астероидот посилно од очекуваното: Можеби му откинавме парче 

Read more

Бизнис

Цените на гасот паѓаат откако Норвешка ги обнови залихите

Read more

Британија се откажува од даночните намалувања за најбогатите

Read more

Нов скок на цената на нафтата, се чека одлука на ОПЕК

Read more

Крах на технолошките компании: 258 милијарди долари „испарија“ за 24 часа

Read more
 

Вести

Spiegel: ЕУ ќе обучи 15.000 украински војници

Читај повеќе

Откриени 12 мигранти во близина на Неготино, приведени двајца криумчари

Читај повеќе

Ослободен генералниот директор на нуклеарната централа Запорожје

Читај повеќе

Шведска испрати брод за да го испита истекувањето на Северен поток

Читај повеќе

Американската полиција трага по сериски убиец во Калифорнија

Читај повеќе

Цените на гасот паѓаат откако Норвешка ги обнови залихите

Читај повеќе

Гевгеличанец приведен за обљуба на малолетник

Читај повеќе

За три дена нови 108 случаи на COVID-19

Читај повеќе

Руската Дума ги ратификуваше договорите за анексија на украинските региони

Читај повеќе