Млад човек од Северна Кореја е осуден на смрт бидејќи во земјата криумчарел снимка од популарната јужнокорејска серија „Squid Game“.
Студентот наводно се вратил од Кина со дигитална копија од серијата. Фатен е бидејќи продал неколку примероци од истата на негови колеги.
Еден од студентите кои ја купиле серијата е осуден на доживотен затвор, додека други шестмина кои гледале пиратска копија се осудени на по пет години тешка работа.
Северна Кореја усвои закон кој забранува и строго казнува увоз на медиумска содржина од Западот и од Јужна Кореја. Максималната казна за гледање, држење или дистрибуција на овој материјал е смртна казна.
Властите сега ги пребаруваат студентските домови во потрага по уште недозволени материјали.