Истражување спроведено на 500.000 пациенти кои заболеле од COVID-19 покажа дека згрутчување на крвта се јавило кај 39 лица на милион заразени, соопштија научниците.
Тие велат дека ризикот од појава на ретка церерална венска синусна тромбоза (ЦВСТ) е осум до десет пати поголем по зараза со коронавирус отколку по примањето на некоја од постоечките вакцини против COVID-19.
Истражувачкиот тим од Оксфорд, кој потенцира дека студијата е работена независно од тимот што ја разви вакцината AstraZeneca, соопшти дека ги споредиле податоците со Европската агенција за лекови, според кои пет лица на милион добиле ЦВСТ по вакцината AstraZeneca.
– Ризикот од појава ЦВСТ по COVID-19 се чини дека е значително поголем отколку што беше по примањето на вакцината Оксфорд/AstraZeneca, изјави пред новинарите Максим Такет од Оксфорд.
Такет рече дека стапката на смртност од ЦВСТ е околу 20 проценти без разлика дали се случила по инфекција со коронавирус или добиена вакцина, што укажува на тоа дека згрутчувањето е главен фактор на ризик.
Истражувачите истакнаа дека COVID-19 е повеќе поврзан со мозочен удар отколку со ЦВСТ и дека сегашната дебата за вакцините ја испуштила од вид можноста за појава на потешка форма на болеста.
– Важноста на ова откритие е дека се враќа на фактот дека ова е навистина страшна болест, со цела низа појави, вклучително и зголемен ризик од ЦВСТ, рече Џон Гедес, директор на истражувачкиот центар НИХР.
