Стручњаците од Медицинскиот факултет „Пен Стејт“ ги анализираа податоците за исхраната и менталното здравје кај повеќе од 24.000 возрасни луѓе во истражувањето коешто траеше 10 години. Се покажа дека волонтерите кои избегнувале консумирање на печурки биле склони кон развој на депресија.
Научниците веруваат дека одговорна за тоа е аминокиселината која ја произведуваат печурките, а која има противвоспалително дејство. Водечкиот истражувач на студијата рече: „печурките се најголемиот извор на аминокиселината ерготионеин - противвоспалително средство кое човечкиот организам не може сам да го произведе. Високото ниво на оваа аминокиселина може да го намали ризикот од оксидативен стрес што исто така влијае на симптомите на депресија.
Претходните студии покажаа дека ерготионеинот може да помогне при спречување на развој на шизофренија, биполарно пореметување и депресија кај луѓето, а досега е познато дека калиумот ја намалува анксиозноста.
Во студијата не е извршена поделба на видови на печурки кои испитаниците ги јаделе, па не можеле да утврдат кои биле најдобри за намалување на менталните болести.
Споредено е и истражување дали депресијата е намалена со замена на црвеното месо со печурки, но не е пронајдена поврзаност.