Новите варијанти на коронавирусот што предизвикува COVID-19, можно е поуспешно да се шират низ воздухот, сугерира нова студија.
Истражувачите откриле дека пациентите заразени со алфа варијанта на вирусот - доминантниот вид што циркулираше за време на студијата - испуштиле 43 до 100 пати повеќе вирус во воздухот отколку луѓето заразени со оригиналната верзија на коронавирусот.
Дел од ова се должи на фактот дека пациентите заразени со алфа имале зголемено количество вирус во назалните брисеви и плунката.
Но, количината на издишан вирус беше 18 пати поголема отколку што може да се објасни со повисокото вирусно оптоварување, според трудот објавен во списанието Clinical Infectious Diseases.
Научниците исто така открија дека лабаво ставените маски за лице што ги носат пациенти со благ COVID-19 може да го намалат количеството на честички од вируси во околниот воздух за околу 50 проценти.
„Знаеме дека делта варијантата што сега циркулира е уште позаразна од алфа варијантата“, рече коавторот Дон Милтон од Факултетот за јавно здравје на Универзитетот во Мериленд.
„Нашето истражување покажува дека варијантите се подобруваат во поглед на пренос по вздушен пат, затоа, покрај вакцинацијата, треба да обезбедиме и подобра вентилација и да носиме маски прилепени за лицето за да спречиме ширење на вирусот.“
