Студија спроведена од професорот Роберт Коен, потпретседател на француското здружение за педијатри и која ја пренесе францускиот дневен весник Le Parisien покажа дека децата ретко се преносители на коронавирусот.
Студијата даде целосно нова перспектива на улогата на децата во ширењето на епидемијата, откако на почетокот на пандемијата се тврдеше дека тие се големи преносители.
Оваа студија беше спроведена во регионот Ил де Франс од страна на 27 педијатри од 14 април до 12 мај и со неа беа опфатени 605 деца. Роберт Коен вели дека децата под 15 години навистина не се многу заразни.
-Кога идентификуваме заразено лице и ги тестираме неговите роднини, сфаќаме дека децата се два до пет пати помалку носители на вируси отколку возрасните, вели тој.
Професорот поставува неколку хипотези во Le Parisien за тоа зошто децата се поретко носители на вирусот,
-Се чини дека имаат помалку рецептори за вирусот на нивната носна слузница. Децата, исто така, би можеле да бидат подобро заштитени затоа што веќе имале други коронавируси: ова е вкрстен имунитет. Се чини како да се истренирани.“
Според професорот Коен, враќањето на децата на училиште треба да се забрза, но со редовно миење на рацете.