Уругвајскиот напаѓач Луис Суарес со солзи го напушти тренинг центарот на Барселона и набргу официјално ќе стане нов играч на Атлетико Мадрид.
Уште на почетокот на Суарес му беше кажано дека не се наоѓа во плановите за новата сезона од тренерот Роналдо Коеман поради што беше принуден да бара нов клуб. На крајот неговиот избор е заминувањето во Атлетико Мадрид.
Уругваецот денеска стигна во тренинг центарот на Барселона каде се поздрави со поранешните соиграчи. Сето тоа беше многу емотивно за него и според пишувањето на шпанските медиуми, не можел да ги сокрие емоциите и со солзи си заминал од Барселона, иако клубот се откажа од него и му се заблагодари за соработката, порачувајќи му дека веќе не сметаат на него.
Се очекува Суарес денеска или утре да потпише договор со новиот клуб. Во Барса дојде во 2014 година од Ливерпул, одигрувајќи 283 натпревари и постигнувајќи 198 голови и 109 асистенции.