Судењето против бизнисменот Јордан Камчев, обвинет во случајот „Плацеви на Водно”, ќе почне на 16 јули.
Според известувањето на Кривичниот суд Скопје, обвинителниот акт на Јавното обвинителство за гонење организиран криминал и корупција за предметот во јавноста познат како „Плацеви на Водно“ е одобрен во целост.
„Ја информираме јавноста дека обвинителниот акт на Јавното обвинителство за гонење организиран криминал и корупција за предметот во јавноста познат како „Плацеви на Водно“ е одобрен во целост, по што е фромиран и кривично – правен предмет со КОК бр. 63/21. Главната расправа по наведениот предмет е насрочена на 16.07.2021 година во 10:00 часот во Судница 1 за што веќе се известени странките во постапката“, стои во соопштенито на Судот.
