Италијанскиот судија Марко Сера е главна тема на медиумите во земјата, откако донесе скандалозна одлука и го поништи регуларниот гол на Милан во 93. минута.
Вчера фудбалските фанови беа сведоци на несекојдневна ситуација на натпреварот помеѓу Милан и Специја. При резултат 1:1 и големата офанзива на „Росонерите“, Сера го поништи регуларниот гол на домаќините за 2:1.
Сера го врати фаулот за Милан, иако топката веќе стигна до Жуниор Месијас, кој ја погоди мрежата на гостите. Веднаш потоа Специја постигна гол за голема сензација на „Сан Сиро“.
Сепак, тој потег не беше тежок само за навивачите на Милан. Самиот судија Сера покажа колку му е тешко, па им се извини на играчите на теренот, а потоа Судиската комисија на Фудбалскиот сојуз на Италија испрати порака со извинување до Милан.
Corriere della Sera утринава објави дека арбитерот останал во солзи во просториите на „Сан Сиро“ и дека му паднало тешко за тоа што го направил. Исто така, истиот весник тврди дека Златан Ибрахимовиќ му пришол и го тешел и покрај тоа што оставил огромна трага на крајниот исход.
Сепак, тоа е мала утеха за „РосонеритеЕ, кои не успеаја да го искористат резултатот меѓу Аталанта и Интер и да седнат на врвот на табелата во Серија А.
