Секој ден, по двајца светски познати автомобилски новинари го тестираат прототипот C_Two.
И додека само што почна да се крева прашина околу најавата на Мате Римац за проект за самовозечките, електрични такси возила во вредност од околу 454,2 милиони евра, тој сподели нова вест преку социјалните мрежи.
Станува збор за неговиот хиперспортски автомобил C_Two. Имено, Римац соопшти дека секој ден, по двајца реномирани светски автомобилски новинари го тестираат прототипот C_Two и ги проверуваат карактеристиките на автомобилот во чиј развој, според него, биле вложени над 130 милиони евра.
Првите впечатоци за хиперспортскиот автомобил, кој Мате интерно го нарекува Hypercar, ќе бидат познати оваа недела, кога ќе бидат објавени резултатите од над десет тестови.
Судејќи според објавеното видео, тимот одлично се забавуваше, а Мате беше особено задоволен од тоа како се однесува автомобилот при дрифтање.
